Bengkat

Bengkat menika dolananing lare, ingkang dipunangge bendha, dipunbengkataken ing suku tengen ngiringan lebet sacelaking jempolan tungkat kajinjitaken rumiyin lajeng kagongingaken mangandhap angangkah kengingipun basangan bendha ingkang kapasang miring, menawi kenging nama: umpuk, menawi lepat mangka bendhanipun gaco celak kaliyan bendha basangan yen tebihipun 2 pecak nama : pandhik, yen tebihipun namung sapecak nama: jugah, pandhik kabengkataken dhateng mengsahipun supados tebih, nanging yen jugah : pejah, gentos mentas dene menawi tebihing gaconipun langkung saking 2 pecak lajeng dipunangkahaken kengingipun basangan nanging kedah lampah kaping kalih, menawi wicanten: jiji, lajeng wicanten malih: opak-apik, salebetipun cunge: jiji, mengsahipun cungel pikji piksan pikgugji gugbeh risan pukseh yarseh risan (pikji: opak apik jiji, piksan: opak apik kapisan, pikgugji: opak apik sigug siji, gugbeh: sigug kabeh, risan: mariwisan, pukseh: umpuk iseh, yarseh: tayar iseh, risan: mari wisan) utawi mungel: lurdhung kil wayungan, gugbeh jegetasangwe (lurdhung: ulur ketundhung, kil wayungan: sikil kiwa tayungan, gugbeh: sigug kabeh, jegetasan: sajege mentas, sangwe: masang dhewe). Tegesipun: pikji menawi anggenipun jiji ngantos ngengingi bendha ingkang kapasang, menika lajeng sigug sakancanipun sedaya, sigug menika suku kiwa dipunpenthalitaken ing suku tengen, pangambahing siti drijinipun  dipunjinjitaken adamel kidhunging pangangkah kathah lepatipun, dene lurdhung ingkang tumindak suku kiwa, kosok wangsulipun ing nginggil, saya kangelan malih sarta saya kathah lepatipun, mila salebetipun nuju mawi wicanten: ji, ji, jik, tegesipun menawi panujunipun ngantos ngengingi ingkang dede leresipun: nedha pangapunten, ngamungna sapisan menika kemawon, boten anglampahi kados wicanten ing mengsahipun wau, pundi ingkang wicantenipun rumiyin, menika ingkang dados jiji wau namung ngangkah celaking basangan dhawah wonten wingkingipun menawi saged nyamleng, basangan bendha kajenthot supados saged dakentas dhateng ing pentasan, nama: umpuk, menawi panujunipun lepat sakancanipun sadaya, gentosan mentas sarta gentos basang, nanging menawi gadhah umpuk 1,2,3 utawi langkung, kedah katuju rumiyin, bendha basangan dipuntumpuk lajeng dipuntuju ing tangan saking pentasan, menawi kenging ngantos mawut, nama: tayar, taksih anglajengaken mentas malih, menawi lepat saestu pejah, mila lare bengkat menika boten saged mengsahan ijen, kejawi bilih ngrangkep bendha, apesipun kedah mengsahan lare kalih sami kalih.