Tor

Tor punika dolananing lare, banon tugelan kapasang dipuntuju saking pentasan kaliyan selo leter sacekaping tangan mangang, nanging boten kagengen, utawi kaliten, menawi panujunipun kenging nama: tor, nanging menawi katuju malih dhateng mengsahipun: kenging, baul, wangsul mentas malih, sarta bilih kenging gaconipun nama: kutis, inggih ugi wangsul mentas malih, nanging ingkang boten dipunkutisaken boten kenging wangsul, menawi panujunipun boten kenging, namung celak celakan gaco saking toran kemawon, ingkang tebih piyambak kawon, dipuntedhani gendhong dhateng mengsahipun sadaya agentos gentos, punika nama tor unyik kojur, ingkang menang lajeng nedha gendhong dhateng ingkang kawon, sarta lajeng ambucal gaconing mengsah saking sanginggiling gendhongan, sarana dipunken mendhak, tangan saduwa kaangsalaken ing dengkul, sarta dipunken megos, supados boten makewed dipanujunipun, maei dipuntawekaken: moh, arep, menawi: moh, dipuntuju saking nginggil, menawi kenging lajeng dipungendhong dumugi panggenaning gaco, gaco kapendhet dipunulungaken saking ngandhap, mengsah taksih wonten nginggil gendhongan, kados numpak kapal, menawi: arep, katuju saking ngandhap, menawi kenging mengsahipun dipundhunaken, menawi lepat taksih dipungendhong sarta mengsahipun lajeng ambucal gaconing mengsah malih, menawi lepat taksih dipungendhong sarta mengsahipun lajeng dereng dipungendhong, makaten salajengipun, ngantos satelasing mengsahipun, namung ingkang tor piyambak, punika mawi dipungendhong saking basangan dumugi ing pentasan, bilih kakancan, mawi tandhingan ageng alitipun ing lare, saupami lare sadasa lajeng kadamel sala kawedhar, dados gangsal sisih, lajeng sami memengsahan, sinten ingkang tor utawi gaconipun celak piyambak saking toran, punika ingkang menang piyambak sakancanipun, patrapipun sami kemaron kaliyan tor unyik kojur, namung beda selehing panggendhongipun bilih kancanipun sampun pejah sadaya (lepat panujunipun)